Posts

"بەرامبەر بە سەربەخۆیی بێ لایەنى هەیە؟"

Image
پرسێکى گرنگ و چارەنوسسازى وەک سەربەخۆیی و بە دەوڵەت بوونى میللەتێکى بێ دەوڵەت، ئەگەر تاکەکانى ئەو میللەتە لەسەر هەموو شت ناکۆک بن ئەوا پێویستە لەسەر بابەتێکى وەها چارەنوسساز کۆک و تەبا بن. ئەزمونى میللەتانى سەرکەوتوو پێمان دەڵێت سەربەخۆیی دەبێ ئەو ئامانج و مەبەستە بێت کە کۆکەرەوەى هەموو جیاوازەکان بێت. مێژووش پێمان دەڵێت لە درێژە رێگاى سەربەخۆیی هەمیشە خەڵکى ریز پەڕ هەبوون کە دژى خواستى میللەتى خۆیان وەستاونەتەوە و حەزیان لە بچوکى  و بەردەستى دوژمنان بووە، کە ئەم تەرزە کەسە لە مێژووى میللەتى ئێمەش هەبووە کە دژى بزوتنەوە ئازادیخوازەکەى میللەتى خۆیان بوونە، بەڵام لە چەند قۆناغێکى جیادا و بە تایبەتیش لە دواى راپەڕین، ئەم لاپەڕەیە بە هەموو تاڵى و رەشیەکانى هەڵدرایەوە و ئامانجى میللیى خەڵکى کوردستان لە چوارچێوەى فیدراڵى رێکخرایەوە. چاوەڕوانکراو نیە کە کوردستانیەک دژى چوونە پێشەوەى ئامانجە میللییەکەى بێت کە سەربەخۆییە، بەڵام ئەو ریز پەڕانە چۆن لە مێژووى میللەتان هەبوون کە حەزیان لە وابەستەیی و ژێر دەستەیی و کارکردن بووە بۆ خەڵکانى تر، ئەوا لە ناو میللەتى ئێمەش دەبێت کە دژى خواستى زۆرینەى رەه…

٢٥ی ئەیلول، رۆژی ریفراندۆمی سەربەخۆیی

Image

رۆڵ و کاریگەرى راگەیاندنى رێکخراوە جەماوەرییەکان لە پێشخستنى میدیاى کوردى

Image
راگەیاندنى رێکخراوە جەماوەریەکان بە گشتی و یەکێتى قوتابیانى کوردستان بە تایبەتی، راگەیاندنێکى سیاسى، پیشەیی، رۆشنبیرى، کۆمەڵایەتى، زانستى بووە، بایەخى بە پرسى نەتەوەیی، نیشتیمانى، پیشەیی قوتابیان داوە و هەوڵى داوە ببێتە مینبەرێک بۆ گەیاندن و بڵاو کردنەوەى راو هەڵوێستەکانى ى.ق.ک وەکو رێکخراو و کادیرانى رێکخراوەکە و قوتابیانیش بە شێوە گشتیەکەى بە بە خەڵکى کوردستان و بە توێژى قوتابیان.
- بێگومان دروستکردنى کاریگەرى پێویستى بە ئامرازە، دەبێ بپرسین ئامرازەکانى میدیاى کوردى چ بوون تا یەکێتى قوتابیانى کوردستان لە ڕێى راگەیاندنەکەیەوە کاریگەرى دروست بکات؟ وە پرسیارى ئەوەى کە ى.ق.ک خاوەنى چ ئامرازێکى راگەیاندن بووە؟
بۆ وەڵامى ئەو پرسیارە پێویستیمان بە قۆناغبەندى ئەو ساڵانە هەیە کە ى.ق.ک کارى راگەیاندنى تێدا کردووە.
بە روانینى من دەکرێ ماوە زەمەنیەکە بۆ 3 قۆناغ دابەش بکرێن: 1. قۆناغى راگەیاندنى خوێندراو و بیسترا و لە ناوەراستى ساڵانى پەنجا تا ساڵى 1991 2. قۆناغى راگەیاندنى خوێنراو ، بیستراو، بینراو لە 1991- 2010 3. قۆناغى راگەیاندنى کۆمەڵایەتى (سۆسیال میدیا) لە 2010 – ئێستا هەر لێرەش دەمەوێت ئاماژە بە…

"دەستی تر رۆڵی لە قوڵکردنەوەی ناکۆکیەکاندا هەیە" چاوپێکەوتن لەگەڵ رۆژنامەی وشە

Image
” دەستی تر رۆڵى لە قوڵکردنی ناکۆکیەکاندا هەیە و هەوڵ دەدرێت بە درێژەدان بە ناکۆکیەکان، هەستی بێزاری و ناڕەزایی لای خەڵک زیاد بکرێت و ئاراستەی خەڵک لە پشتگیری ستراتیژ و پرۆژەی سەربەخۆیی و دروستکردنی دەوڵەت بگوازرێتەوە سەر خەریککردن بە گرفت و ناکۆکی ناوخۆیی و سەرەنجام بڵاوکردنەوەی نا ئومێدی و بڕوا بە خۆنەمان" وشە/ هەولێر
ساسان عەونی بەرپرسی دەستەی رێکخراوە جەماوەری و پیشەییەکانی پارتی دیموکراتی کوردستان رای دەگەیەنێت، گۆڕانکاریەکانی ناو پارتی بەردەوام دەبن لە جەند ناوجەیەک و دووپاتی دەکاتەوە، جەماوەری حزبەکەیپەسندی گۆڕانکاریەکانیان کردووە. هاوکات رەخنە لە حزبەکان دەگرێ بەوەی وەک پێویست توانای بڕیاردانیان نییە بۆ تێپەراندنی ئەم دۆخەی کوردستان و دەڵێ "ئەوەی لەسەر پارتی بووە کردوویەتی و یەکێتیش هیچ بەشی لە لای پارتی نەماوە"
عەونی کە لە دوا گۆڕانکارییەکانی ناو پارتیدا پۆستەکەی لە جێگرەوە بۆ بەرپرسی مەکتەب بەرزکرایەوە، رای دەگەیەنێ کە ئەوەی پەکەکە دەیکات، بۆ خزمەتی بەرنامەی دەرەکییە و داوا لەو حزبە دەکات "جارێکی تر خۆی تاقی نەکاتەوە، چونکە پێشتر خۆی تاقی کردووەتەوە".

ووتار لە یادی دامەزرانی یەکێتی قوتابیانی کوردستان لە ٨ی مارسی ٢٠١٧

Image
ئامادەبوانى بەڕێز هەڤاڵانى تێکۆشەر ، ئەندامانى سەربەرزى یەکێتى قوتابیانى کوردستان لە سنوورى لقى هەولێر خۆشحاڵین کە بە ناوى دەستەى رێکخراوە جەماوەرى و پیشەییەکانى (پارتى دیموکراتى کوردستان) پیرۆزباییتان لێ بکەین بە بۆنەى کۆبونەوەتان بۆ یادى دامەزراندنى یەکێتیە تێکۆشەرەکەتان (یەکێتى قوتابیانى کوردستان)، ئەو یەکێتى قوتابیانەى کە ماوەى 64 سالە لە کار کردن و خەبات بەردەوامە نەوە لە دواى ئەوە قوتابخانەى کۆڵنەدان و پێگەیاندنى نیشتیمان پەروەران بووە و ئەندام و کادیر و سەرکردە لە هەموو بوارەکان بۆ ئەم میللەتە پێدەگەیەنێت و بەرگرى لە مافەکانى قوتابیانى کوردستان دەکات، ئومێدیشمان زۆرە کە لەسەر دەستى ئێوەى قوتابیانى خوێن گەرم ئەم پێناوە بەردەوام بێت و ئاڵاى ئەم یەکێتیە تێکۆشەرە هەردەم شەکاوە بێت. خۆشەویستان کۆبونەوەتان هاوکاتە لەگەڵ 8ى مارس، رۆژى نێو نەتەوەیى ئافرەتان لە جیهان، رۆژى رێزگرتن و پشتگیرى لە خەباتى ئافرەتان لە سەرتاسەرى جیهان، بۆیە بەم بۆنەیەوە پیرۆزبایی لە هەڤاڵانى ئافرەتان دەکەین لە ریزەکانى یەکێتى قوتابیانى کوردستان و هەموو رێکخراو و یەکێتى و سەندیکا و کۆمەڵەکان و تەواوى ئافرەتانى کورد…

دۆنالد ترەمپ وئاستەنگەکانی سیاسیەتی دەرەوە

نووسینى: جوزیف ئێس ناى وەرگێڕانى: ساسان عەونى لەکاتی هەڵمەتەکانى هەڵبژاردن، دوناڵد ترەمپ سەرۆکی هەڵبژێردراوی ویلایەتە یەکگرتووەکان، گومانی خستەسەر ئەو هاوپەیمانی و دامەزراوانەی کە بنچینەی پێکهێنانی سیستەمی لیبرالى جیهانیى پێک دێنن، بەڵام ئەو لەم هەڵمەتە تەنها چەند سیاسەتێکى دیاریکراوى بە ووردەکاریەوە باسکرد، بۆیە ئەو پرسیارە زۆر گرنگەی کە بردنەوەی ترەمپ دەیوروژێنێت ئەوەیە کە ئایا ئەو قوناغە درێژەی جیهانگیری کەلەدوای جەنگی جیهانی دووەمەوە دەستی پێکردبوو، کۆتایی هات؟ لەوانەیە وانەبێت، تەنانەت ئەگەر رێکەوتننامەی هاوبەشی نێو زەریای ئارام و رێکەوتنی هاوبەشی بازرگانی و وەبەرهێنانی نێو ئەتڵەسیش شکست بێنن و جیهانگیری ئابووریش خاوبێتەوە، ئەوا هێشتا تەکنۆلۆجیا کار لەسەر بەهێزکردنی جیهانگیریی ژینگەیی و سیاسی و کۆمەڵایەتی دەکات لە شێوەکانی وەک گۆڕانی کەش و هەوا، تیرۆری سنور بڕ و کۆچ، کە ئەگەر ترامپ پێی خۆش بێت یان نا، بەڵام سیستەمی جیهانیى تەنها ئابووری نیە و ویلایەتە یەکگرتووەکانیش هەر لە شوێنی دڵ دەمێنێتەوە لەو سیستەمە. ئەمریکیەکان زۆر جار بە خراپی لە پێگەى خۆیان لە جیهان تێدەگەن، لەنێوانی باڵادەست…

لە پشت سەنگەری پێشمەرگە.. ئافرەتان، سەنگەری دڵنیایین

Image
لە کاتی ئاساییدا رۆڵی ئافرەت ئەگەر بە ئەندازەی رۆڵی پیاو کاریگەر بێت، ئەوا ئەم رۆڵە لە کاتی بارودۆخی نائاسایی و هەبوونی شەڕی بەرگری لە ووڵاتدا مەزنتر و بەرچاوترە. مێژووی کوردستان، بە تایبەتیش مێژووی سەد ساڵی رابردووی کوردستان، کە مێژووی شۆڕش و بەرەنگاری و بەرخودان و جەنگ بووە لە پێناوی مانەوەدا، لەم شۆڕش و بەرەنگاری و بەرخودانەش بە تەواوی فۆکس لەسەر رۆڵی پیاو بووە وەک تاکە کارەکتەری کاریگەر لە درووستکردنی رووداوەکان، زۆر بە دەگمەن ئەگەر لە چەند شوێنێک هەندێ جار باس لە رۆڵی ئافرەت کرابێت و ئاماژەی پێدرابێت، ئەگەر نا هەموو پاڵەوانی و ئازایی و رۆڵەکە هەر بۆ پیاوان نەخشێنراوە. کە ئەمەش هەم فەرامۆشکردنی رۆڵی کارەکتەرێکی کاریگەری ئەم مێژووەیە و هەم بێ ئینسافیە دەرهەق بە قوربانی و لێوەشاوەیی توخمێکی کاریگەری ئەم ململانێیە کە ئافرەتانن، کە لە راستیشدا مەحاڵە بەرەی هەڵایساوی هیچ شۆڕش و بەرەنگاری و جەنگێک سەرکەوتوو بێت بە بێ هەبوونی بەرەیەکی ئارام و دڵنیا بەخش و وورە بەخش لە دواوە کە ئافرەتان شاڕەگەزی سەرکەوتن و بەڕێوەچوونی ئەم بەرەیەن. نووکە، دوو ساڵ زیاترە کوردستان لە بەرەیەکی هەزار کیلۆمەتریدا…

ستراتیژێك بۆ دوای جەنگ پێویستییە

دوێنێ سەرۆكی فەرەنسا، فرانسوا هۆلاند، پێشنیارێكی خستە بەردەم هاوپەیمانی نێو دەوڵەتی و رایگەیاند كە نابێت ڕێگە بدرێت لە دوای كۆنترۆلكردنەوەی موسڵ و شوێنەكانی تری ژێر دەستی ڕێكخراوی تیرۆریستی داعش بوار بدرێتە چەكدارانی ئەم ڕێكخراوە بگەڕێنەوە وڵاتانی خۆیان. 
ئەم پێشنیارەی سەرۆك هۆلاند بۆ ڕێگەگرتن لە گەڕانەوەی چەكدارانی ئەم ڕێكخراوە فرە نەتەوەیە بۆ ووڵاتەكانیان، بۆ ڕێگەگرتنە لە بڵاوبونەوەی بیری داعش بەهۆی ئەو كەسانەی كە پراكتیكی توندڕەوی و تاوان و كۆمەڵكوژی و كاری دژە مرۆڤایەتیان ئەنجام داوە بۆ وڵاتەكانیان، كە بە گەڕانەوەیان ئەوا هەریەكێكیان دەبنە سەنتەرێكی مەترسیداری بڵاوكردنەوەی تیرۆر و توندڕەوی.
نمونەی بڵاوبونەوەی چەكدراە ئیسلامیە توندڕۆكانی وڵاتە جۆراو جۆرەكان لە دوای كشانەوەی هێزی سەربازی یەكێتی سۆڤیەت لە ئەفغانستان لە ساڵی (1989)و گەڕانەوەیان بۆ وڵاتەكانیان یاخود پەڕینەوەیان بۆ (چیچان) و دواتریش بۆ (كۆسۆڤۆ)، كە لە وڵاتەكانیان و لەو شوێنانە بوونە مایەی سەرهەڵدانی شەپۆڵێك لە كاری تیرۆر و توندڕەوی لە ساڵانی نەوەد و بڵاوبوونەوەی ڕێكخراوی تیرۆریستی قاعیدە و هاوپەیڕەوەكانی بە رۆژهەڵاتی ناوە…

پارتی لە چوارچێوەی پرۆسەی چاكسازیی ناو حزبدا، لە ناو رێكخراوە جەماوەرییەكاندا گۆڕانكاری و چاكسازی لە پەیكەری رێكخراوەیی، بەرنامە، دیدگە، جۆریەتی كاركردن، دارایی و خۆبەڕێوەبردنی دەكات

Image
ئەندامێكی ئەنجوومەنی سەركردایەتیی پارتی دیموكراتی كوردستان رای دەگەیەنێ، پارتی لە چوارچێوەی پرۆسەی چاكسازیی ناو حزبدا، لە ناو رێكخراوە جەماوەرییەكاندا گۆڕانكاری و چاكسازی لە پەیكەری رێكخراوەیی، بەرنامە، دیدگە، جۆریەتی كاركردن، دارایی و خۆبەڕێوەبردنی دەكات.  ساسان عەونی بەرپرسی دەستەی رێكخراوە جەماوەرییەكانی پارتی لە دیمانەیەكی "وشە"دا ئاشكرای دەكات، "لە كۆمەڵگەی كوردستاندا حزب رێگرە لە هاتنە پێشەوەی گەنجان"، هاوكات گەنج بە كەمتەرخەم دەبینێ لە پێشخستنی تواناكانی خۆیدا.

لە چوارچێوەی پرۆسەی چاكسازیی بارزانی لە ناو حزبدا، زانیاری هەیە كە لەناو رێكخراوەكانی جەماوەریی كۆمەڵێك چاكسازی ئەنجام دەدەن، بە نیازی چین لەو رووەوە؟ ساسان عەونی:دوای بڕیارەكانی سەرۆك بارزانی بۆ چاكسازیی ناو ڕیزەكانی حزب و پێكهێنانی چەند لیژنەیەكی تایبەتمەند بۆ بوارە جیاجیاكان، یەكێك لەو لیژنانە تایبەت بوو بە رێكخراوە جەماوەرییەكان، ئەو لیژنەیە بەهاوئاهەنگی لەگەڵ ئۆرگانە تایبەتمەندەكانی ناو حزب لە سەركردایەتیی پارێزگاكان و لقەكان و ناو دەستەی رێكخراوە جەماوەری و پیشەیییەكان و سكرتاریەتی رێكخراوەكان و خە…

"بالانسی هێز"

(١) لە ناوەڕاستی ساڵانی نەوەد، لە گەرمەی رۆژانی سەختی شەڕی ناوخۆدا، کاتێ پارتی لە هەولێر نەبوو، هەندێ کەس کە ئێستا رەنگیان گۆڕیوە، ئەوسا وەک ئێستا، هەڕەشەی ئاگرینیان لە پارتی دەکرد و پێیان وابوو کە دەتوانن پارتی لە گۆڕەپانەکە وەدەرنێن. رەحمەتیی شەهید (سامی عبدالرحمن) کە ئەوکات کارگێڕی مەکتەبی سیاسی و بەرپرسی راگەیاندن بوو، لەوەڵامی ئەو هەڕەشە و گوڕەشانە بە زەردەخەنەیەکەوە و زۆر بە هێمنی، تەنها بە دوو ووشە وەڵامی دەدانەوە و دەیگوت: "خەونی حوشترە"!!                                   (٢) دۆخ و پێکهاتەی هەرێمی کوردستان لەوە هەستیار تر و ئاڵۆز ترە بە هاوپەیمانی و رێکەوتنی نێوان دوو هێزی سیاسی یان زیاتر، زیاد بوونی چەند کورسیەکی پەرلەمانی هاوپەیمانیەک بەرامبەر لایەنێکی تر، بالانسی هێز بگۆڕرێت. بۆیە تا ئەو رادەیە بەکارهێنانیی دەستەواژەی (گۆڕینی باڵانسی هێز) عەقڵانیە کە مەبەست لێی بەکارهێنان بێت وەکو کارتێک بۆ گەڕانەوە بۆ سەر مێزی گفتوگۆ و دانوستانی سیاسی و دەستپێکردنی قۆناغێکی تازە، ئەگەر نا، بە پێچەوانەوە، بەکارهێنانێکی ناعەقلانی و نادروستە.             …

ئامادەیی ، هۆکارێک بۆ سەربەخۆیی

Image
-١- سایکس بیکۆ ئەگەرچی دابەشکردنێکی بەرژەوندخوازانەی کۆلۆنیالیزمی بەریتانیا و فەرەنسا بوو بۆ ئەو بەشەی رۆژهەڵاتی ناوەڕاست کە چەندین سەدە بوو لە ژێر فەرمانڕەوایی دەوڵەتی عوسمانی دا بوو، بەڵام لێکەوتە و ئەنجامەکانی بۆ چەند میللەتێکی ناوچەکە کارەساتی گەورەی بەدواوە بوو. ئەگەر بۆ میللەتی کورد تەنها بووە هۆی جارێکی تر دابەشکردنەوەی خاکەکەی ، بەڵام بۆ هەندێ نەتەوەی تری وەک ئەرمەن و ئاشوریەکان بووە هۆی داخستنی فایلی گەورەی کۆمەڵکوژی و راگواستنیان لەسەر خاکی خۆیان، کە لە ئەنجامدا بوونە دوو میللەتی بێ خاک و بەردەوام هەڕەشە لێکراو. بۆیە زەرەرمەندە گەورەکانی سایکس بیکۆ بە پلەی یەکەم ئەرمەن و ئاشوریەکان و میللەتی کوردن. ئەوەی جێی سەرنجە کە ئەو رێککەوتنامەیە بۆ دوو میللەتی تری ناوچەکە بووە خاڵی وەرچەرخان و هۆکار بۆ دروستبوونی دەوڵەت. عەرەب ئەگەرچی بەردەوام خۆیان بە قوربانی دەستی سایکس بیکۆ نیشان دەدەن، بەڵام بە هۆی ئەم رێکەوتنەوە، لە رۆژهەڵاتی ناوەڕاست بوونە خاوەنی چەندین دەوڵەتی نەتەوەیی، کە ئەگەر هەر سەرنجێک لەسەر جۆر و شێوازی دروستبوونەکە هەبێت، بەڵام لە ئەنجامدا دەوڵەتی نەتەوەیی عەرەبن. سوودمەند…

دیدێکی تر .. رۆژنامەگەری کوردی هۆکارێک بۆ پەرتکردن

Image
* لەگەڵ هەموو ئەو دەستکەوتانەی کە بە هۆی دەرچوونی رۆژنامە و بزاڤی رۆژنامەگەری کوردی بەدەست هاتوون، بەلام وەکو هەموو بزاڤەکانی تر بەدەر نیە لە رەخنە و هەڵسەنگاندن، بەدەر نیە لەوەی کە لەگەڵ رەوتی گەشە و پێگەیشتنی خۆی لە ئەنجامی خراپ بەڕێوەبردنی، زۆر دیاردەی ناتەندروستیشی لەگەڵ خۆیدا هێناوە و بەردەوامی پێداوە. * رۆژنامەگەری کوردی هاوتەمەنە لەگەڵ مێژووی هاوچەرخی سەد ساڵەی کوردستان، کە مێژووی ناسەقامگیری دوای دابەشکردن و چەکەرەکردنی بیری نەتەوەیی و بزووتنەوەکانێتی، مێژووی شۆڕشەکان و سەرکردەکانە، کە زیاتر مێژویێکی سیاسیە. بە هەمان شێوەش بەشێکی بریتیە لە مێژووی ناتەبایی و ململانێ و شەڕێ نێوخۆیی، کە رۆژنامەگەری رەگەزێکی کاریگەری ئەم مێژووەیە بە هەردوو دیوەکانیدا. * لەبەر ئەوەی گەشەکردنی رۆژنامەگەری بەرهەمی بزووتنەوە سیاسیەکەیە، بۆیە قەیرانەکانی بزووتنەوە سیاسیەکە رەنگدانەوەی هەیە لە ناو بزاڤە رۆژنامەگەریەکە. ململانێکانی ناو هەناوی بزووتنەوە سیاسیەکە لە رێگای رۆژنامەگەریەوە بە دیارخراوە و رۆژنامەگەری ئەو ئامرازە بووە کە درێژەی بە ململانێکان داوە، لە کاتی کەرت بوون و پەرت بوون و لێک دوورکەوتنەوەک…

دەرباەی ریفراندۆم و سەربەخۆیی کوردستان و چاکسازی

Image
لەم دیمانە تایبەتەی (باس)دا، ساسان عەونی، ئەندامی ئەنجومەنی سەرکردایەتی پارتی دیموکراتی کوردستان، قسە لەسەر پرسگەلی ریفراندۆم و سەربەخۆیی کوردستان و چاکسازییەکانی سەرۆکی هەرێمی کوردستان دەکات. 

(باس) پارتى چۆن خۆى بۆ راپرسى ئامادەکردووە؟  ساسان عەونی: كاركردن و خۆ ئاماده‌كردن بۆ هه‌ر بابه‌تێك، له‌سه‌ره‌تادا پێویستی به‌ بڕوابوون هه‌یه‌ به ‌راستی و ڕه‌وایی ئه‌و بابه‌ته‌، دوای گفتوگۆ و هه‌ڵسه‌نگاندنی هه‌مه‌لایه‌نه‌ ئه‌وسا ده‌كرێتە بەرنامە و کاری بۆ دەکرێت. راپرسی، وه‌ك بابه‌تێكی چاره‌نووسساز، وه‌ك بابه‌تێك كه‌ خاڵی گۆڕانكاری وه‌چه‌رخان ده‌بێت له‌ داهاتووی كوردستان، ماوه‌یێكی درێژه‌ دوای ژێرپێخستنی بنه‌ماكانی شه‌راكه‌ت و كارنه‌كردن بەو ستوونانه‌ی كه‌ عێراقی تازه‌ی له‌سه‌ر دروست كرایه‌وه‌ و بێ ئومێدبوون له‌ پرۆسه‌ی سیاسی عێراق و به‌لاوه‌نانی ده‌ستوور، لەلایەن سەرۆک بارزانی باسی لێوەکرا و له‌نێو خۆی پارتیدا باسی لێوه‌ده‌كرێت.  بێگومان كاركردن و ئاماده‌كردنی زهنیەتی خه‌ڵكی كوردستان و جه‌ماوه‌ری پارتیه‌ بۆ ئه‌م بابه‌ته‌ گرنگه‌، بابه‌تی ئاوا چاره‌نووسساز به‌ تەئكید له‌ماوه‌ی چه‌ند رۆژێكدا جێ به‌…