چەند سەرنجێک بۆ بابەتی توند و تیژی دژ بە ئافرەتان


تاقیکردنەوەی ئافرەتانی کۆریا لە بواری خۆ بەڕێوەبردن ، یاساکانی تایبەت بە خێزان و باری کەسایەتی ، ئامارەکانی توند و تیژی دژ بە ئافرەتان و ڕۆڵی رێکخراوەکانی ئافرەتان بۆ روو بە رووبوەنوەی ئەم دیاردەیە ، ناوەرۆکی ئەم سیمینارە بوو کە رۆژی ١٩ ی حوزەیرانی ٢٠١٢ ، لە هۆڵی "پێکەوەژیان" لە دەستەی رێکخراوە جەماوەری و پیشەییەکان بە هاوکاری رێکخراوی دۆستایەتی کوردستان کۆریا بۆ هەردوو چالاکوان بەڕێزان ناز کاکەیی و سروە هەورامی سازمان کرد .
لە موداخەلەیەکی کورتدا باری سەرنجم بۆ روو بە ڕوو بونەوەی توند و تیژی بەم شێوەیە خستە روو :
·       بڵاوکردنەوەی هۆشیاری لە رێ ی هەڵمەتی راگەیاندنی بەردەوام بۆ روو بەڕوو بونەوەی دیاردەی توند و تیژی و باسکردن لە ئاکامە نەخوازراوەکانی سەبارەت بە تاکەکان و کۆمەڵگای کوردستان .
·       هەڵمەتی فشار بۆ سەر دام و دەزگاکانی راگەیاندن لە کوردستان بۆ سنوور دانان بۆ ئەو بەرنامانەی کەکار بۆ بەکاڵاکردنی ئافرەت دەکات وئافرەت تەنها وەک ئامرازێک بۆ مەبەستێکی دیاریکراو نیشان دەدات و دایدەشۆرێت لە ناوەرۆکە ئینسانیەکەی .
·       هەڵمەتی کار لەگەڵ وەزارەتی پەروەردە و دام و دەزگا پەروەردەییەکان بۆ پەرەپێدانی ئەو بابەتانەی کە تایبەتن بە هۆشیاری خێزان لە وانەکانی پەروەردەی مەدەنی و پەروەردەی کۆمەڵایەتی . هەروەها هەوڵی بەردەوام بۆ کەم کردنەوەی نەخوێندەواری لە ناو ئافرەتان .
·       بانگەوازکردنی مامۆستایانی بەڕێزی ئایین بۆ هاتنە بەرەی بەرگری لە ئافرەتان  لە دژی توندو تیژی و بەکارهێنانی مینبەری مزگەوتەکان بۆ هۆشیارکردنەوە .
·       هاندانی ئافرەتان بۆ کارکردن و بەشداری لە بەڕێوەبردنی خێزان لە رووی ئابوریەوە.
·       هاندانی ئافرەتان بۆ تێکەڵاو بوونی کاری رێکخراوەیی وسیاسی و مەدەنی ، بەکارهێنانی ئەم بوارانە بۆ هۆشیاری توێژەکانی کۆمەڵگا ، هەوڵدانی دروستکردنی لۆبی و کەمپینی بەردەوام لە دژی توند و تیژی  .

Popular posts from this blog

لە پشت سەنگەری پێشمەرگە.. ئافرەتان، سەنگەری دڵنیایین

پارتی لە چوارچێوەی پرۆسەی چاكسازیی ناو حزبدا، لە ناو رێكخراوە جەماوەرییەكاندا گۆڕانكاری و چاكسازی لە پەیكەری رێكخراوەیی، بەرنامە، دیدگە، جۆریەتی كاركردن، دارایی و خۆبەڕێوەبردنی دەكات

دۆنالد ترەمپ وئاستەنگەکانی سیاسیەتی دەرەوە