رۆژی نێودەوڵەتی بۆ زیندوڕاگرتنی یادی قوربانیانی تاوانی جینۆساید و کۆمەڵکوژی و رێزگرتنیان International Day of Commemoration and Dignity of the Victims of the Crime of Genocide and of the Prevention of this Crime


ئەمڕۆ ٩ی دێسەمبەر، رۆژی نێودەوڵەتی زیندووڕاگرتنی یادی قوربانیانی تاوانەکانی جینۆساید و کۆمەڵکوژیە.
 کۆمەڵەی گشتی نەتەوە یەکگرتوەکان لە ٢٨ی ئابی ٢٠١٥دا بڕیاری دا کە لەمساڵەوە رۆژی ٩ی دیسەمبەری هەموو ساڵیک ببیتە رۆژی نێودەولەتی بۆ زیندووڕاگرتنی یادی قوربانیەکانی جینۆساید و کۆمەڵکوژی.
 ئێمەی کوردستانی لەگەڵ هەموو میللەتانی تری جیهان کە رووبەڕووی هەمان کارەسات بوونەتەوە و لەگەڵ کۆمەڵگای مرۆڤایەتی کە ریز لە مافی مرۆڤ دەگرن و کار بۆ پاراستنی دەکەن، ئەم یادە بەرز رادەگرین، بە شکۆ و بە دڵێکی پڕ لە خەمەوە یادی قوربانیەکانی میللەتانی تر لە سەرتاسەری جیهان و سەدان هەزار لە قوربانیەکانمان دەکەینەوە کە لە ساڵانی رابردوو بە دڕندانە ترین و نامرۆڤانەترین شێوە دووچاری جینۆساید و کۆمەڵکوژی و کیمیا باران و ئەنفال بوونەوە، هەر لە شوێن بزر کردنی ١٠٠٠٠ دە هەزار گەنجی کوردی فەیلی لە ساڵی ١٩٧٩، جینۆسایدی ٨٠٠٠ هەشت هەزار بارزانی لە ساڵی ١٩٨٣، قڕکردنی ٥٠٠٠ پێنج هەزار کەس لە کیمیا بارانی هەڵەبجە لە ١٦ی ئاداری ١٩٨٨، زیندەبەچاڵ کردن و لەناوبردنی ١٨٢٠٠٠ سەد و هەشتا و دوو هەزارکەس لە شاڵاوەکانی ئەنفال، جینۆساید و کۆمەڵکوژی هەزاران کوردی ئیزدی و بە کۆیلە کردن و فرۆشتنی نزیکەی ٥٠٠٠ پێنج هەزار ئافرەت لە مانگی ئابی ٢٠١٤.
ئەو تاوانانە ئەوە نیشانی کۆمەڵگای مرۆڤایەتی دەدات کە لەسەدی رابردوو هەروەها لە ئێستاش، ئەو عەقلیەتەی کە ئەم تاوانانەی دەرهەق بە خەڵکی کوردستان کرد لە ئێستاشدا هەر ماوە، بەڵام لە فۆرمی تازە و بە ناوی تازە خۆی نمایش دەکاتەوە، بۆیە ئەرکی هەموو لایەکە کە کار بۆ پاراستنی یەکجاری خەڵکی کوردستان بکرێتبۆ ئەوەی چیتر کۆمەڵکوژی نەکرێت و ببێتە خاوەنی سەروەری و دەوڵەتی سەربەخۆی نیشتیمانیی. بە تایبەتیش کە کوردستان نیشتمانی جۆرەها نەتەوە و ئایینە و مۆزاییکێکی تێکەڵەیە لە نەتەوە و ئایین و مەزهەبی جیا کە هەمووی بەیەکەوە لە پێکەوەژیانێکی نمونەییدا لەسەر خاکی کوردستان دەژین.

International Day of Commemoration and Dignity of the Victims 
of the Crime of Genocide and of the Prevention of this Crime
9 December


Popular posts from this blog

لە پشت سەنگەری پێشمەرگە.. ئافرەتان، سەنگەری دڵنیایین

پارتی لە چوارچێوەی پرۆسەی چاكسازیی ناو حزبدا، لە ناو رێكخراوە جەماوەرییەكاندا گۆڕانكاری و چاكسازی لە پەیكەری رێكخراوەیی، بەرنامە، دیدگە، جۆریەتی كاركردن، دارایی و خۆبەڕێوەبردنی دەكات

دۆنالد ترەمپ وئاستەنگەکانی سیاسیەتی دەرەوە