رۆڵ و کاریگەرى راگەیاندنى رێکخراوە جەماوەرییەکان لە پێشخستنى میدیاى کوردى




راگەیاندنى رێکخراوە جەماوەریەکان بە گشتی و یەکێتى قوتابیانى کوردستان بە تایبەتی، راگەیاندنێکى سیاسى، پیشەیی، رۆشنبیرى، کۆمەڵایەتى، زانستى بووە، بایەخى بە پرسى نەتەوەیی، نیشتیمانى، پیشەیی قوتابیان داوە و هەوڵى داوە ببێتە مینبەرێک بۆ گەیاندن و بڵاو کردنەوەى راو هەڵوێستەکانى ى.ق.ک وەکو رێکخراو و کادیرانى رێکخراوەکە و قوتابیانیش بە شێوە گشتیەکەى بە بە خەڵکى کوردستان و بە توێژى قوتابیان.

- بێگومان دروستکردنى کاریگەرى پێویستى بە ئامرازە، دەبێ بپرسین ئامرازەکانى میدیاى کوردى چ بوون تا یەکێتى قوتابیانى کوردستان لە ڕێى راگەیاندنەکەیەوە کاریگەرى دروست بکات؟ وە پرسیارى ئەوەى کە ى.ق.ک خاوەنى چ ئامرازێکى راگەیاندن بووە؟

بۆ وەڵامى ئەو پرسیارە پێویستیمان بە قۆناغبەندى ئەو ساڵانە هەیە کە ى.ق.ک کارى راگەیاندنى تێدا کردووە.

بە روانینى من دەکرێ ماوە زەمەنیەکە بۆ 3 قۆناغ دابەش بکرێن:
1. قۆناغى راگەیاندنى خوێندراو و بیسترا و لە ناوەراستى ساڵانى پەنجا تا ساڵى 1991
2. قۆناغى راگەیاندنى خوێنراو ، بیستراو، بینراو لە 1991- 2010
3. قۆناغى راگەیاندنى کۆمەڵایەتى (سۆسیال میدیا) لە 2010 – ئێستا
هەر لێرەش دەمەوێت ئاماژە بە ئامرازەکانى راگەیاندنى ى.ق.ک بکەم کە:

• لە بارى راگەیاندنى خوێندراو بریتى بوو لە :
1. گۆڤار
2. رۆژنامە
3. بەیاننامە و بڵاو کراوە
4. بڵاوکراوەى ناوخۆیی
5. لاپەڕەى ى.ق.ک. لە رۆژنامەى (التاخى- برایەتى- خەبات)

• لە بوارى راگەیاندنى بیستراو بریتى بووە لە :
1. ئامادە کردنى بەرنامەى رادیۆیی هەفتانە.
2. بەڕێوەبردنى رادیۆ.
• لە بوارى راگەیاندنى بینراو بریتى بووە لە:
1. تەنها پێشکەش کردنى بەرنامە پێش تەلەڤزیۆنى سەتەلایت لە T.V ناوخۆیی.

هەروەها دەکرێت ئاهەنگ و نمایشە شانۆیی و بەرنامە زانستى و ئەدەبیەکانیش لەم بوارە دابنێین. 
لەم قۆناغەى ئێستاش کە قۆناغى میدیاى کۆمەڵایەتیە تەرکیز زیاتر لەسەر بەکارهێنانى فەیسبووکە و جۆرەکانى تر فەرامۆش کراون.
ئەو بوارانەى کە راگەیاندنى ى.ق.ک کارى لەسەر کردوە و کاریگەرى هەبووە.

1. لە بوارى سیاسى:
  • بەردەوام کارى لەسەر ئەولەویەتە سیاسیەکانى بزوتنەوەى رزگارى خوازى کوردستان و مافەکانى خەڵکى کوردستان کردووە.
  •  ئازادى ئەوەى هەبووە کە هەندێ جار لە هەڵگرتنى دروشم و را دەربڕین لە پێش دروشمەکانى بزوتنەوەى رزگارى خوازى کوردستان بێت.
2. لە بوارى پیشەیی:
  •  کارى لەسەر مافە پیشەییەکان قوتابیان لە خوێندن کردوە.
  •  وەک چاودێرێکیش لەسەر دامەزراوەکانى خوێندن کارى کردوە.
3. لە بوارى زانستى:
  • بایەخى بە بڵاوکردنەوەى لێکۆڵینەوە و بەرهەمە زانستیەکانى قوتابیان داوە و گۆڤارى تایبەتى بۆ ئەم بابەتە هەبووە.
  • هاندانى قوتابیان بەهرەمەند و بە دیار خستنیان.
4. لە بوارى رۆشنبیرى:
  •  سەکۆیەکى کراوە بووە بۆ سەرجەم قوتابیان بۆ بڵاو کردنەوەى بەرهەمەکانیان.
  • وەسیلەیەکى رۆشنبیرکردن و رۆشنبیرى گەیاندنیش بووە لە ڕێ ى ئەو بابەتانەى کە بڵاوى کردۆتەوە.
5. لە بوارى کۆمەڵایەتى :
  • کارکردن لەسەر لابردنى جیاوازیەکانى نێوان قوتابى کچ و قوتابى کوڕ و باوەڕ درەست کردن بە لێهاتووییەکانى هەر دوو رەگەز و کاریگەریان.
  • کار کردن لەسەر کەم کردنەوەى کاریگەریە خراپەکاى نەریتە دواکەوتوەکانى کۆمەڵگا.

ئەگەر هەڵسەنگاندن بکەین بۆ ئەو چوار بوارەى کە راگەیاندنى ى.ق.ک کارى تێدا کردووە و بە بڕواى من کاریگەرى لەسەر میدیاى کوردى بە شێوەیەکى گشتى دروستکردووە، بریتى یە لە راگەیاندنى خوێنراو، لەبەر ئەم هۆکارانە:
1. درێژى ئەو ماوە زەمەنیەى کە راگەیاندنى خوێندراوى ى.ق.ک بە بەردەوامى یاخود بە پچڕ پچڕى تێیدا دەرچووە.
2. لەو قۆناغەى کە راگەیاندنى ى.ق.ک بایەخى بە راگەیاندنى خوێندراو داوە، میدیاى کوردستانیش تەنها راگەیاندنى خوێندراو و بیستراوى هەبووە.
3. زۆرى و هەمە جۆرى ئەو راگەیاندنە خوێندراوەى ى.ق.ک بە کارى هێناوە هەر لە (کتێب – نامیلکە – گۆڤار – رۆژنامە- بڵاو کراوەى رۆشنبیرى – بڵاو کراوەى ناوخۆیی – بەیاننامە)
4. زۆر لەو قەلەمانەى کە لە راگەیاندنى ى.ق.ک دەستیان پێ کردووە دواتر بونەتە سیاسەمەدار، راگەیاندکارى دیار، نمونەش بەرپرسانى گەورەترین دامەزراوەکانى راگەیاندن، لە قوتابیان دەستیان پێ کرد.


لە ئێستادا چ بکرێت؟
بە بڕواى من:
1. ى.ق.ک بایەخ و هوڵى خۆى لە سۆسیال میدیا بە رێژەى یەکەم و راگەیاندنى خوێندراو بە پلەى دووەم چڕ بکاتەوە.
2. کادرى لێهاتوو ئامادە و ساز بکات بۆ کار کردن لە میدیاى کۆمەڵایەتى.
3. کیدیاى کۆمەڵایەت تەنها لە فەیسبووک چڕ نەکرێتەوە و بوارەکانى تریش بەکار بێنن.
4. لایەنێک کە فەرامۆش کراوە لە کوردستان و لە کارى رێکخراوەیی بەکار هێنانى سۆسیال میدیا (You tube )ە،کە لەسەر هەموو مۆبایلێکى زیرەک هەیە و لە گیرفانى زۆربەى قوتابیانە.
دەبێ ى.ق.ک. سود لەو بوارە وەربگرێت و کەناڵى تایبەتى خۆى هەبێت و کادرى شارەزا ئامادە بکات، پرسە گرنگەکانى سیاسەت و خوێندن بخاتە ناو ئەو بوارە. 


ئەم بابەتە لە پانێلى (رۆڵ و کاریگەرى راگەیاندنى هەر سێ رێکخراوى قوتابیان و لاوان و ئافرەتان لە پێشخستنى میدیاى کوردى) کە یەکێتى لاوانى دیموکراتى کوردستان، لە رۆژى 9 ى ئایارى 2017 سازى کردبوو، لە هۆڵى هوتێل چوارچرا پێشکەشکرا.

Popular posts from this blog

لە پشت سەنگەری پێشمەرگە.. ئافرەتان، سەنگەری دڵنیایین

پارتی لە چوارچێوەی پرۆسەی چاكسازیی ناو حزبدا، لە ناو رێكخراوە جەماوەرییەكاندا گۆڕانكاری و چاكسازی لە پەیكەری رێكخراوەیی، بەرنامە، دیدگە، جۆریەتی كاركردن، دارایی و خۆبەڕێوەبردنی دەكات

دۆنالد ترەمپ وئاستەنگەکانی سیاسیەتی دەرەوە